Mumbai - Aur Bombay mein baarish

Mujhe kaafi waqt ho chuka hai so called mumbai mein. Main bada huya Bombay sunkar par jab bombay aaya toh woh mumbai ho chukha tha. Hamesha mumbai ke baare bahut si kahaniya, kisse, bambai ki raftaar ke baare mein aksar filmo ya kitaabon mein pada. Mere aane ke baad aisa bahut halka fulka mehsoos huya, yakeen kuch dino pehle hi huya. Mumbai ki monsoon ke baare mein sab ko maalum hai. Tez garmiyo ke aehsaas ke baad monsoon shuru hota hai. Thanda samumndra chahe woh Juhu Beach, Aqsa beach ya worli beach ho, har kisi mein leher ki khushi si daud jaati hai.
Aise hi ek din roz ki tarah main office se ghar ki taraf aa raha tha, of course local train mein, jise aqsar kitaabo ya akhbaro mein mumbai ki jaan bataya jata hai. Main Khar station se malad station pahucha, baarish kaafi tez thi. Na jaane kyon mujhe baarish mein kabhi chaata carry karne mein kabhi maza nahi aaya, is din bhi mere pass chaata nahi tha. Main station se bahar nikal kar auto stand ke pass aaya. Bambai mein auto/threewheeler ko richshaw kehte hai. Aur yaha par ek auto pakadne ke liye - jaise hi rickshaw sawari ko laikar stand ke pass aa kar rukta hai, 10-15 log ek saath chalte mein hi apna apna destination rickshaw wale ko bata deta hai. Aur agar rickshaw wale ka mood thik hai aur agar woh kisi traffic jam ki jung se lad kar aaya hai toh woh kisi ko jaldi se haan nahi kahega. Pehle sab ki shaqlo ki taraf dekhega phir pehle se baithe huye sawaar se kiraya lega. Uske baad apne pasandida chehre(chehra agar kisi khoobsurat ladki ka hai toh isse achi baat koi nahi hai uske liye) Ya phir bahar khadi baithne wali sawari jo pehle baazi marle. Jisko rickshaw mil jata hai woh khush. Baaki sab gaali dete reh jaate hai.
Lagbhag saari dukaane band ho chuki thi aur kuch band ho rahi thi. Main ek kone mein band dukaan ke chajje ke niche aa kar khada ho gaya aur yeh sab dekh raha. Haath mein sulag bhi rahi thi. Muh se nikla dhua aqsar baarish mein na jaane kaha gum ho jata hai . Kai auto aa ja rahe the log usi tarah har auto pe jhapat rahe the. Ekdum se ek ladki par meri nazar baar baar ja rahi thi, jo wohi kar rahi jo baaki sab kar rahe the. Par farq tha usme baaki sab se. Par naa jaane main shakal nahi dekh pa raha tha. Woh chattri ke niche thi, isliye. Taqriban aadha ghanta khada rehne ke baaad main ek rukte huye rickshaw/auto ke pass rooka. Mera muh rickshaw ke chajje ke niche tha aur maine usse apne area ka naam bola, par shayad ussne shor mein suna nahi. Uski ignorance ke baad mein halka sa bahar nikla hi tha ki ek ladki dikhi mujhe jo wohi kar rahi thi jo main kar chuka tha. Usne bhi meri taraf dekha. Usne phir dekha. Usi kuch seconds main flashback mein gaya, aur usko yaad kiya. Yeh wohi thi jo chattri ke niche thi. Phir kya mere mann mein kai sawal ek saath daud pade. Kisi tarah maine himmat karke pucha, if you don't mind can we share the auto. Usne meri taraf dekha, aur kuch kaha jo meri samajh mein nahi aaya. Maine uski taraf gaur se dekh raha tha, halki si dissappoinment huyi aur maine kaha sorry. Phir kya, main wapas aakar chajje ke niche khada ho gaya. Main usi ki aor dekh raha tha, maine dekha ki woh rickshaw ke ander ghus rahi hai, woh ruki usne edar udhar dekha. Woh kyo idhar udhar dekh rahi hai. PHhir ekdum uski nazar muhpe padi. Meri aor ishara kiya main uskio taraf dauda aur rickshaw mein baith gaya. Thank you! Halki si shayad naqli si smile aayi. BUt mujhe bahut acha laga. Maine halka sa stle marna shuru kiya pata nahi usne mujhe dekha ki nahi. Jo mere dimag mein chal raha tha kya wohi uske dimag mein chal raha tha. Pata nahi. Kya meri kahani Es richshew se aage badegi? Ek halki si ghabrahat, bahar baarish halki si thand, waise hi jaise garmiyon kai din tak baarish hone ke baad lagti hai. Rickshew se bahar log chaate mein aa ja rahje the, kuch bike pe, gaadiyon mein chal rahe the. Yeh dab dekhte huye bhi mere dimag kai chize ek saath chal rahi thi. Maine socha bahut huya agar introduction bhi nahi huya toh sab baikar hai. yeh baarish bhi, mera bhigna bhi. main yeh baikar nahi hone dena chahta tha isliye maine halki si himaat ki. Socha, zayada se zyada kya hoga woh bura maan jayegi, yeh pehli aur aakhri hi baar hoga. Ya yeh mujhe rickshaw se uttar toh nahi degi. Waise bhi yeh bambai hai. Yaha chize delhi se alag hai. Ek baat aur jise mujhe khud sochke bahut apene aap hasi aati hai ki maine saari baatein english mein ki. R u from mumbai only? Maine bambai nahi bola kyoki woh mujhe pakki mumbai ki lagi. Usne kaha, ya i m from mumbai only. Bas kya iske baad mein phir bahar dekhne lag gaya. Phir kya Ghar ka area aa gaya rickshaw ruka aur woh utri maine bola tum rehne do main de dunga paise. Usne kaha no no we'll share. Usne mujhe paise diye aur kaha bye, maine bhi bye kaha aur saath mein C U bhi bola. Phir rickshaw wale ko apni building ki taraf le liya.